السلام عليكم ورحمة الله تعالى وبركاته
مسكين العينين جفت مالدموع و القلب حزين
يبكي و يتنهد دخلاني هاز حمل تقيل
ربي كتبلو باش يكمل حياتو يتيم
دمعو عل الخدين
يقرى في ياسين
يبكي على امو لحنينة و بوه اللي راح
كل ما يتذكرهم كل ما تزيد تكبر لجراح
ما عادش يلقاهم لا في حزن ولا أفراح
شكون يدلوا اذا راح شكون يهزوا اذا طاح
وين اللي البارح كانوا مالين عليه الدار
وينهم لكان ليهم يبوحلهم بالأسرار
ويني لتبوسلها ساقيها تنجيك من النار
اليوم لحلو مرار اليوم هكا ربي أختار
هز أمانة عزيزة هز أغلى وأعز الناس
مهما الناس تواسي ماتحسش نفس الأحساس
ونهم لرباوك ويني اليد اللي تتباس
وينهم الوالدين لعزاز الله أكبر يا ناس
يتيم يتيم شنيا معنى الحياة
يتيم يتيم الدم العينين بكات
يتيم يتيم يتذكر في ذكريات
يرحم عالوالدين شمعة ضواية وطفات
هاز النعش ويبكي ويعيط الله أكبر
لكانوا محاذينو باتو في نفس القبر
هذا حكم ربي يا بشر
وينهم لحبوك وينهم لتمناولك الخير
مهما تكبر ديما في عينيهم أنت صغير
شكون اللي في ضيقة أحوالك سائل عليك
شكون اللي في نومك تتعرى هو يغطيك
شكون اللي نحاها اللقمة من فمو ويعطيك
ويني اللي بروحها تفديك تدعيلك ربي يهديك
وينو اللي في مرضك في البرد جابلك دواك
ويني الي تقوم الليل تدعيلك في كل صلاة
ويني اللي تحس بهمك اذا بكيت بكات
ويني اللي فرحك غنات شمعة ضواية وطفات —
تحياتييييييييييييي
big bos
25.07.2013
شكراااااااااا
